ពិធីសម្ពោធសៀវភៅ “រាជវង្សានុវង្សកម្ពុជា”

សៀវភៅថ្មីដែលរៀបរាប់អំពី​រាជវង្សនៃប្រទេសកម្ពុជា​ ដែលសរសេរឡើងដោយឯកអគ្គរាជទូត បណ្ឌិត​ ហូលីយ៉ូ ជែលដ្រេស (Julio A. Jeldres) អតីតលេខាផ្ទាល់ និងជាអ្នកសរសេរប្រវត្តិរបស់សម្តេចព្រះបាទនរោត្តមសីហនុ នឹងត្រូវបានបើកសម្ពោធជាផ្លូវការនៅព្រះបរមរាជវាំង នាថ្ងៃទី​១៩ ខែធ្នូ ឆ្នាំ២០១៧ ក្រោមព្រះរាជវត្តមានព្រះបាទសម្តេច នរោត្តម សីហមុនី និងសម្តេចម៉ែ ព្រះបរមនាថ សីហនុ ។

សៀវភៅកម្រាសប្រមាណជាង ៣០០​ ទំព័រ ដែលបន្ថែមនូវព័ត៌មានថ្មីៗដែលសរសេរដោយ ឯកអគ្គរាជទូត បណ្ឌិត ហូលីយ៉ូ ជែលដ្រេស នាឆ្នាំ២០០៣​ មានផ្ទុកនូវជំពូកថ្មីរបស់ព្រះបាទនរោត្តម​ សីហមុនី និងសមាជិកជាន់ខ្ពស់ដែលជាខ្សែស្រឡាយរាជវង្ស ក៏ដូចជាព្រះរាជនត្តាដែលធ្វើការនៅក្នុងប្រទេសកម្ពុជា។ ជំពូកថ្មីនេះ ក៏មានផ្ទុកនូវព័ត៌មានទាក់ទងអំពីអតីតព្រះមហាក្សត្រអង្គមុនៗដែលជាប់សែស្រឡាយ ព្រះបាទអង្គដួង ដែរ។

កម្មវិធីសម្ពោធនេះ មានការចូលរួមពីភ្ញៀវប្រមាណ៧០នាក់​ រួមមាន អ្នកឧបត្ថម្ភការបោះពុម្ពសៀវភៅ ព្រះសង្ឃមកពីប្រទេសជប៉ុន ភ្ញៀវបរទេស និងមន្រ្តីមកពីស្ថានទូតចិន។